თითქმის 1000 ადამიანს სურს გახდეს რუსი კოსმონავტი

„როსკოსმოსის“ კოსმონავტების კორპუსის მესამე ღია ვაკანსია მიმდინარეობს. კოსმონავტების მომზადების ცენტრის ხელმძღვანელმა და რუსეთის გმირმა პაველ ვლასოვმა „რია ნოვოსტისთან“ პროგრამის მიმდინარეობის შესახებ ისაუბრა.

კოსმონავტების კორპუსის ამჟამინდელი დაკომპლექტების პროცესი გასული წლის ივნისში დაიწყო. პოტენციური კოსმონავტები ძალიან მკაცრ მოთხოვნებს დაექვემდებარებიან. ისინი უნდა იყვნენ ჯანმრთელობის კარგი მდგომარეობის, პროფესიული კვალიფიციურობის მქონენი და ფლობდნენ გარკვეულ უნარებს. „როსკოსმოსის“ კოსმონავტების კორპუსში გაწევრიანების უფლება მხოლოდ რუსეთის ფედერაციის მოქალაქეებს აქვთ.

დღეისათვის პოტენციური კანდიდატებისგან 922 განაცხადია მიღებული. მათ შორის 15 სარაკეტო და კოსმოსური ინდუსტრიიდანაა, ორი - „როსატომიდან“, ხოლო ცხრა - რუსეთის თავდაცვის სამინისტროდან.

ასევე აღინიშნა, რომ 74 საჭირო დოკუმენტი უკვე წარდგენილია. აქედან 58 მამაკაცის, ხოლო 16 ქალის მიერ იყო წარდგენილი.

კოსმონავტების კორპუსის მიმდინარე ღია დაკომპლექტების პროცესი მიმდინარე წლის ივნისამდე გაგრძელდება. განმცხადებლების საერთო რაოდენობიდან მხოლოდ ოთხი კოსმონავტის კანდიდატი შეირჩევა. ისინი „სოიუზისა“ და „ორელის“ კოსმოსური ხომალდებით ფრენებისთვის, საერთაშორისო კოსმოსურ სადგურზე (ISS) ვიზიტებისთვის და მთვარის პილოტირებული პროგრამისთვის მოემზადებიან. 

წყარო: 3dnews.ru