PlayerUnknown's Battlegrounds-ის შემქმნელმა თამაშის გუნდი დატოვა ახალი პროექტებისთვის

PlayerUnknown's Battlegrounds-ის გუნდის წლების განმავლობაში ხელმძღვანელობის შემდეგ, თავად PlayerUnknown-მა გადაწყვიტა, რომ სხვა გუნდს დაშორებოდა. PUBG Corp.-მა განაცხადა, რომ ბრენდან „PlayerUnknown“ გრინი თამაშის შემმუშავებელთა გუნდს ტოვებს. შუტერის არტ-დირექტორი ტაე-სოკ ჯანგი და გუნდის დანარჩენი წევრები პროექტის განახლებებსა და გაუმჯობესებაზე გააგრძელებენ მუშაობას.

ბრენდან გრინი PUBG Corp.-ის შტაბ-ბინიდან სეულში, კორეაში, ახალ ოფისში, ამსტერდამში, ნიდერლანდებში გადავა. განყოფილებას PUBG Special Projects დაერქმევა. გრინი PlayerUnknown's Battlegrounds-ის კონსულტანტ კრეატიულ დირექტორად დარჩება, მაგრამ ძირითადად ახალი პროექტების შექმნაზე იქნება ორიენტირებული.

„ჩემი ცხოვრების ბოლო ხუთი წელი Battle Royale-ს მივუძღვენი. მოდზე მუშაობის პირველივე დღეებიდან მინდოდა, შემექმნა ჩემი ხედვა Battle Royale-ის, PlayerUnknown's Battlegrounds-ის შესახებ“, - თქვა ბრენდან გრინმა. „ეს იყო წარმოუდგენელი მოგზაურობა და ჩვენმა თამაშმა მიაღწია ისეთ სიმაღლეებს, როგორზეც არასდროს მიოცნებია. თამაშის დღევანდელი მდგომარეობისკენ სწრაფვის დანახვა ჩემი ოცნების ახდენა იყო და უბრალოდ უზომოდ მადლიერი ვარ ჩვენი გულშემატკივრებისა და PUBG Corporation-ის წარმოუდგენელი გუნდისთვის“.

PUBG-ის სპეციალური პროექტები ახალი თამაშების შიდა შექმნაზეა ორიენტირებული. „ჩვენი ამოცანაა ახალი ტექნოლოგიების, ხელსაწყოებისა და გეიმფლეის კვლევა, ექსპერიმენტები და შექმნა. განვითარებისა და კვლევის გუნდებთან ერთად, ჩვენ შევისწავლით სათამაშო სივრცეში ურთიერთქმედებისა და დაკავშირების ახალ გზებს“, - განმარტა გრინმა.

წყარო: 3dnews.ru