АҚШ президенті Дональд Трамптың әкімшілігі Америка Құрама Штаттарынан тыс жерде орналасқан бес ірі Amazon интернет-дүкенін қара тізімге енгізді. Айта кетейік, Amazon компаниясының АҚШ-тағы веб-сайты тізімге енбеген.
Әңгіме Ұлыбританиядағы, Германиядағы, Франциядағы, Үндістандағы және Канададағы Amazon электрондық коммерция платформалары туралы болып отыр, олар «беделі нашар» платформалар тізіміне қосылған.
АҚШ Сауда өкілі бұл сайттар контрафактілік және пираттық өнімдерді сатуды жеңілдететінін және олардың қара тізімге қосылуы американдық компаниялардың контрафактілік тауарларды сатуына қатысты шағымдарының нәтижесі деп түсіндірді.
Өз кезегінде Amazon бұл қадамды саяси астарлы деп атап, саудагерлердің заңсыз әрекеттерінің алдын алу үшін қомақты қаржы салғанын айтты.
Интернет-компания мәлімдемесінде бұл мәселені шешуге қомақты қаржы бөлгенін және тек өткен жылы сатушылардың 6 миллиардтан астам күмәнді ұсыныстарын бұғаттағанын айтты.
«Біз контрафактілікпен күресте белсенді мүдделі тараптармыз», - деп қосты Amazon өкілі.
Ақпарат көзі: 3dnews.ru