Автокөлік өнеркәсібінің тарихында алғаш рет Volvo Cars еуропалық нарыққа қосылған автокөлік технологиялары мен бұлттық шешімдерге негізделген жетілдірілген қауіпсіздік жүйесін енгізеді.
Жүргізушілерге түрлі қауіптерді ескертіп, көліктер бір-бірімен араласа алатын болады деп хабарланды. Жаңа платформа 2020 жылғы үлгідегі көліктерде стандартты болатын Қауіпті жарық туралы ескерту және тайғақ жол туралы ескерту мүмкіндіктерін пайдаланады.
Қауіпті жарық туралы ескерту функциясының мәні мынада: осы технологиямен жабдықталған автокөлік апаттық сигналды қосқанда, бұл туралы ақпарат бұлттық сервис арқылы жақын маңдағы барлық қосылған көліктерге жіберіліп, жүргізушілерді ықтимал қауіп туралы ескертеді. Бұл мүмкіндік әсіресе көрінуі нашар қисықтарда және таулы жерлерде пайдалы.
Өз кезегінде, тайғақ туралы ескерту жүйесі жүргізушілерге жол жамылғысының ағымдағы және болашақтағы жағдайы туралы хабарлайды. Жүйе жолдың беткі қабаты туралы анонимді ақпаратты жинаудың арқасында жүргізушілерге алдағы жолдың тайғақ бөлігі туралы алдын ала ескертеді.
Жол қауіпсіздігін айтарлықтай жақсартатын бұл ақпаратты нақты уақыт режимінде бөлісу жүйеге көбірек көлік қосылған сайын тиімдірек болады.
Volvo Cars басқа автомобиль нарығының қатысушыларын бастаманы қолдауға шақырады. «Көлік құралдары нақты уақыттағы қозғалыс туралы ақпаратты неғұрлым көп бөліссе, біздің жолдарымыз соғұрлым қауіпсіз болады. Біз жол қауіпсіздігін қамтамасыз ету жөніндегі міндеттемемізді бөлісетін бұдан да көп серіктестер табуға дайынбыз», - дейді Volvo.
Ақпарат көзі: 3dnews.ru