Бүгін, 14 сәуір күні таңертең бүкіл әлем пайдаланушылары Facebook, Instagram және WhatsApp желілерінде қиындықтарға тап болды. Facebook пен Instagram-дың негізгі ресурстары қолжетімсіз екені хабарланды. Кейбір адамдардың жаңалықтар арналары жаңартылмайды. Сондай-ақ хабарларды жіберу немесе қабылдау мүмкін емес.
Downdetector ресурсының мәліметінше, проблемалар Ресей, Италия, Греция, Ұлыбритания, Франция, Германия, Нидерланды, Малайзия, Израиль және АҚШ-та тіркелген. Instagram қолданушыларының 46%-ы жүйеге кіре алмайды, 44%-ы жаңалықтар лентасын жүктеуде ақауларға шағымданады, ал тағы 12%-ы негізгі сайтқа қатысты мәселелер туралы хабарлайды.
Мәселелер шығыс уақыты бойынша шамамен таңғы 6:30-да (Мәскеу уақыты бойынша 14:30) басталды. Facebook-тің негізгі қызметтерін пайдаланушылар Twitter-де проблемалар туралы хабарлауда. Бұл ретте алдыңғы сәтсіздікке бір ай ғана уақыт өткенін атап өтеміз. Сол кезде Facebook басшылары кінәні «сервер конфигурациясының өзгеруі» деп атап, үзілістер үшін кешірім сұрады. Қазіргі проблемалардың себебі туралы әзірге сөз жоқ.
Естеріңізге сала кетейік, компания жақында қайтыс болған қолданушылардың парақшаларына жаңа мүмкіндіктер енгізген болатын. Бұл функциялар деректерді толығымен жоюға немесе иесі қайтыс болғаннан кейін оны сақтайтын беттің «қамқоршысын» тағайындауға мүмкіндік береді.
Бұл бастама алғаш рет 2015 жылы ұсынылды, бірақ содан кейін алгоритмдер тірі және қайтыс болған пайдаланушылардың беттерін бірдей қарастырды, бұл ұят пен жанжал тудырды. Мәселен, жүйе марқұмды туған күндерге немесе басқа мерекелерге шақырған жағдайлар болды.
Ал жақында Роскомнадзор әлеуметтік желіде әкімшілік құқық бұзушылық үшін 3000 рубль айыппұл салды.
Ақпарат көзі: 3dnews.ru