Қытай тарапы Айды зерттеуге бағытталған өз жобасын жүзеге асыруды жалғастыруда. Бұл жолы барлық мүдделі елдер «Чанъэ-6» ғарыш аппаратының миссиясын бірлесіп жүзеге асыру үшін қытайлық ғалымдарға қосылуға шақырылады. Бұл туралы жобаның тұсаукесерінде ҚХР Ай бағдарламасы басшысының орынбасары Лю Цзичжун айтты. Мүдделі тұлғалардың ұсыныстары 2019 жылдың тамыз айына дейін қабылданып, қаралады.
Хабарда айтылғандай, Қытай тек жергілікті институттар мен жеке компанияларды ғана емес, сонымен қатар шетелдік ұйымдарды да Айды зерттеуге қатысуға шақырады. Бұл алдағы төрт жылда жүзеге асырылуы тиіс жобаға қатысуға барлық мүдделі тараптар өтініш бере алады деген сөз. Цзичжоң мырза ғарыш аппаратының Ай бетіне қонатын жері мен нақты уақыты әлі анықталмағанын атап өтті.
Сондай-ақ, Чанъэ-6 аппараты 4 бөлек модульден құрылатыны белгілі болды. Әңгіме орбиталық ұшақ, арнайы қону модулі, Ай бетінен ұшып көтерілу модулі, сондай-ақ кері қайтарылатын көлік туралы болып отыр. Ғарыш аппаратының негізгі міндеті - автоматты режимде ай топырағының үлгілерін жинау, сондай-ақ материалдарды кейіннен Жерге жеткізу. Құрылғы жер орбитасын Айға ауыстырғаннан кейін таңдалған жерге қонады деп күтілуде. Алдын ала есептеулер орбиталық аппарат пен қону модулінің пайдалы жүктемесі шамамен 10 кг болатынын көрсетті.
Ақпарат көзі: 3dnews.ru