Қытайлық Vivo компаниясы қуатты X50 5G смартфонының алдағы жаздың бірінші күні – 1 маусымда тұсауы кесілетіні туралы тизер шығарды.
Атауында көрсетілгендей, жаңа өнім бесінші буын мобильді желілерде жұмыс істей алады. Рас, құрылғыға қандай процессор кіретіні әлі белгісіз: ол MediaTek Dimensity немесе кірістірілген 5G модемі бар Qualcomm Snapdragon чиптерінің бірі болуы мүмкін.
Смартфонда тар жақтаулары бар дисплей болады. Экранның жоғарғы сол жақ бұрышында бір алдыңғы камераға арналған кішкене тесік бар. Артқы камера үшін төрт компонентті конфигурация таңдалды, бірақ сенсорлардың рұқсаты әлі ашылған жоқ. Желідегі көздер кескінді оптикалық тұрақтандыру жүйесінің бар екенін көрсетеді.
Жалпы, құрылғы фото және бейне түсіру тұрғысынан кең мүмкіндіктер береді деп күтілуде. Кең ауқымда масштабтау мүмкіндігі жүзеге асырылатыны анық.
Vivo әлемдегі жетекші смартфон жеткізушілерінің бірі екенін қосамыз. Компанияның құрылғылары ресейліктер арасында өте танымал.
Strategy Analytics бағалауы бойынша биылғы жылдың бірінші тоқсанында әлем бойынша 274,8 миллион смартфон жеткізілген. Бұл бір жыл бұрынғы нәтижеден 17 пайызға аз.
Ақпарат көзі: 3dnews.ru