Қытайда шығарылатын отандық брендтердің бюджеттік ұялы телефондарына сұраныстың төмендеуі мұндай құрылғылардың ресейлік дүкендер сөрелерінен мүлдем жойылып кетуіне әкелуі мүмкін. Осы жайлы «Коммерсант» басылымы GS Group холдингінің аналитикалық деректеріне сілтеме жасап.
GS Group сарапшыларының зерттеуі 2020 жылдың бірінші тоқсанында Ресейге жеткізілімдегі 2000 рубльден асатын сегменттегі отандық ұялы телефон брендтерінің үлесі бар болғаны 4%, ал өткен жылдың сәйкес кезеңінде бұл көрсеткіш 16% болғанын көрсетті.
2020 жылдың алғашқы үш айында елге BQ, Vertex, Texet, Dexp, Digma, Inoi және Highscreen сияқты ресейлік брендтердің 300 мыңға жуық смартфондары жеткізілді. Дереккөз есепті кезеңде нарықтың 54%-ын алып жатқан қытайлық өндірушілердің құрылғылары үлесінің айтарлықтай өскенін атап өтеді, ал өткен жылдың бірінші тоқсанында олардың үлесі 42%-ды құрады. Бір қызығы, сонау 2017 жылы қытайлық және ресейлік брендтердің смартфондары ішкі нарықтың 18 пайызын иеленді.
GS Group сарапшыларының мәліметінше, биылғы жылдың бірінші тоқсанында Ресейге барлығы 10,4 миллион ұялы телефон импортталған. Смартфондардың үлесі 63% немесе 6,5 млн бірлікті құрады. Өткен жылдың сәйкес кезеңімен салыстырғанда жеткізу көлемінің 9%-ға төмендеуі байқалады. Нарықтың құлдырауы дәл ресейлік брендтердің құрылғылары кеңінен ұсынылған бюджеттік сегменттегі сұраныстың төмендеуіне байланысты екені атап өтілді.
«Қазіргі нарық жағдайында бұл смартфон брендтері өмір сүрмейтіні анық», - дейді GS Group талдау орталығының басшысы Алексей Сурков. Оның пікірінше, жақын арада ресейлік смартфондар нарығының барлық сегменттерінде қытайлық Huawei (соның ішінде Honor бренді), Xiaomi, Oppo және Vivo өндірушілері, сондай-ақ оңтүстіккореялық Samsung компаниясы арасында бәсекелестік дамиды. Жоғары баға сегментінде Apple қазірдің өзінде аталған өндірушілерге қосылады. Ресейлік брендтер құны 2000 рубльден төмен арзан түймелі телефондар сегментін сақтайды.
Ақпарат көзі: 3dnews.ru