Осы күндері өтіп жатқан жыл сайынғы CES 2020 көрмесінде Toyota Motor Corp. Жапонияда «болашақ қаласының» прототипін салу ниеті туралы хабарлады. Ол Фудзи тауының етегінде орналасқан 71 гектар жер телімінде салынады. Қала сутегі отын ұяшық көздерінен қуат алады деп болжануда. Ол автономды көліктерді, смарт үйлерді, жасанды интеллектті және басқа да озық технологияларды сынайтын зертханаға айналады.
Toyota-ның болашақ қаласы Woven City деп аталады. Қала атауы өз тарихын тоқыма машиналарын шығарудан бастаған Toyota компаниясының өткенін көрсетеді. Қала осы жылдың соңында жабылуы тиіс ескі автомобиль зауытының орнына салынады. Бастапқы кезеңде қала 2000 мыңға жуық тұрғынды және озық технологияларды әзірлеумен айналысатын зерттеушілерді қабылдай алады. Тойота келесі жылы басталуы жоспарланған жобаның құнын ашып көрсетпейді.
Қала құрылымдарының жобасын дат сәулетшісі Бьярке Ингелс жасайтыны белгілі болды. Сәулетшінің компаниясы Нью-Йорктегі екінші Дүниежүзілік сауда орталығының және Силикон алқабындағы және Лондондағы технологиялық алпауыт Google кеңселерінің дизайнына қатысты.
Toyota компаниясы жобаны жаңа технологияларды сынау алаңы ретінде пайдаланғысы келетін басқа өндірушілермен серіктестікке ашық екенін айтады. Бұл осы жобаны жүзеге асыру аясында «болашақ қаласын» салуға мүдделі басқа да компаниялар алдағы уақытта жапон корпорациясына қосыла алады деген сөз.
Ақпарат көзі: 3dnews.ru