សង្រ្គាមពាណិជ្ជកម្មរវាងទីក្រុងវ៉ាស៊ីនតោន និងទីក្រុងប៉េកាំង បង្ខំឱ្យក្រុមហ៊ុនផលិតបន្ទះឈីបរបស់សិង្ហបុរីកាត់បុគ្គលិក

សារព័ត៌មាន Reuters រាយការណ៍ថា ដោយសារតែសង្គ្រាមពាណិជ្ជកម្មដែលកំពុងបន្តរវាងចិន និងសហរដ្ឋអាមេរិក ក៏ដូចជាការរឹតបន្តឹងរបស់សហរដ្ឋអាមេរិកលើក្រុមហ៊ុនទូរគមនាគមន៍ចិន Huawei និងការធ្លាក់ចុះនៃតម្រូវការអ្នកប្រើប្រាស់ ក្រុមហ៊ុនផលិតបន្ទះឈីបរបស់សិង្ហបុរីបានចាប់ផ្តើមយឺតយ៉ាវក្នុងការផលិត និងកាត់បន្ថយការងាររាប់រយនាក់។

ការធ្លាក់ចុះនៅក្នុងវិស័យនេះ ដែលស្មើនឹងជិតមួយភាគបីនៃទិន្នផលឧស្សាហកម្មរបស់ប្រទេសសិង្ហបុរីកាលពីឆ្នាំមុន កំពុងបង្កើនការភ័យខ្លាចថាសេដ្ឋកិច្ចដែលជំរុញដោយការនាំចេញរបស់ខ្លួនអាចធ្លាក់ចូលទៅក្នុងវិបត្តិសេដ្ឋកិច្ចនៅប៉ុន្មានខែខាងមុខនេះ។

ការបង្កើតមីក្រូឈីបសម្រាប់ឧបករណ៍រាប់ចាប់ពីទូរសព្ទដៃដល់រថយន្ត គឺជាចំណុចស្នូលនៃភាពជោគជ័យរបស់ប្រទេសកោះដ៏តូចមួយនេះ។

លោក Ang Wee Seng នាយកប្រតិបត្តិនៃសមាគមឧស្សាហកម្ម Semiconductor របស់សិង្ហបុរី (SSIA) បានប្រាប់រ៉យទ័រថា លោកកំពុង "រៀបចំសម្រាប់អ្វីដែលអាក្រក់បំផុត" ហើយកំពុងដាក់បុគ្គលិករបស់គាត់ឱ្យរង់ចាំ ដើម្បីត្រៀមខ្លួនដើម្បីជួយកម្មករដែលត្រូវបានបញ្ឈប់ការងារឱ្យស្វែងរកការងារថ្មី។

ប្រភព: 3dnews.ru