2022-жылы Орусиянын бир катар шаарларында карды тазалоодо робот-тракторду колдонуу боюнча пилоттук долбоорду ишке ашыруу пландалууда. Бул тууралуу NTI Autonet жумушчу тобунда талкууланганын РИА Новости билдирди.
Пилотсуз унаа жасалма интеллект технологиялары менен өзүн-өзү башкаруу куралдарын алат. Борттогу сенсорлор Avtodata телематикалык платформасына жөнөтүлө турган ар кандай маалыматты чогултууга мүмкүндүк берет. Алынган маалыматтардын негизинде система керектүү иш-аракеттер боюнча тигил же бул чечимди кабыл ала алат.
«Технология короолордо токтоп турган унаалардын бузулушун толугу менен жок кылат. Трактор жергиликтүү аймактарды тазалап эле тим болбостон, ар бир короо боюнча отчет берип, тазаланган кардын жана топурактардын көлөмү боюнча да кабарлай алат», - дейт NTI Autonet.
Орус робот-машинасы ар кандай тапшырмаларды аткара алат. Мисалы, ал музду талкалап, канализациялык люктардын жана чуңкурлардын жанындагы жетүүгө кыйын жерлерден кирди тазалай алат. Мындан тышкары, трактор абанын кубаттуу агымын берүү менен токтоп турган унаалардын астындагы карды тазалай алат.
2022-жылы трактор Самара, Волгоград, Томск, ошондой эле Курск, Тамбов жана Москва облустарынын жолдорунда сыноодон өткөрүлөт деп күтүлүүдө. Сыноолор ийгиликтүү өтсө, долбоор Россиянын башка аймактарына да жайылтылат.
Source: 3dnews.ru