Орусияда жакынкы келечекте ноутбуктун жетишсиздиги болушу мүмкүн. РБКнын маалыматына караганда, бул тууралуу базардын катышуучулары эскертүүдө.
Март айынын биринчи жарымында өлкөбүздө ноутбукка болгон суроо-талаптын кыйла өскөндүгү белгиленген. Бул эки фактор менен түшүндүрүлөт - рублдин долларга жана еврого карата арзандашы, ошондой эле жаңы коронавирустун жайылышы.
Валюта курсунун кескин көтөрүлүшүнө байланыштуу көптөгөн керектөөчүлөр ноутбук компьютерлерин сатып алуу пландарын ишке ашырууга шашышты. Андан тышкары, баасы 40 миң рублдан жогору болгон ноутбуктарды сатуу эң көп өскөн.
Коронавирустун жайылышы өз кезегинде Кытайдан жаңы ноутбуктарды жеткирүүнүн кечеңдешине алып келди. Бул оору компьютердик жабдууларды чыгарган заводдордун ишин токтотуп, камсыздоо каналдарынын ишин үзгүлтүккө учураткан.
Натыйжада, негизги электроника дистрибьюторлорунун кампаларында ноутбуктар дээрлик жок. Ошол эле учурда көптөгөн ишканалардын аралыктан иштөөгө өтүшү абалдын андан ары начарлашына алып келиши мүмкүн.
"B2b сегментинде ноутбуктарга жана персоналдык компьютерлерге дароо суроо-талап пайда болду, бул коронавирустун жайылышынан улам ири компаниялардын кызматкерлеринин алыстан иштөөгө массалык түрдө өтүшү менен байланыштуу", - деп жазат РБК.
Кошумчалай кетсек, 20-мартка карата дүйнө жүзү боюнча коронавирусту жуктургандардын саны 245 миңден ашты. 10 миңден ашуун өлүм катталган.
Source: 3dnews.ru