Марсты изилдөө үчүн арналган InSight автоматтык аппараты бургулоо иштерин кайра баштады. Бул тууралуу РИА Новости интернет басылмасы Германиянын авиация жана космонавтика борбору (DLR) тараткан маалыматка таянып билдирди.
Эске салсак, InSight зонду Кызыл планетага өткөн жылдын ноябрь айынын аягында келген. Бул кыймылга мүмкүнчүлүгү жок стационардык түзүлүш.
Миссиянын максаттары Марстын ички түзүлүшүн изилдөө жана Кызыл планетанын кыртышында болуп жаткан процесстерди изилдөө. Бул максатта SEIS (Ички структура үчүн сейсмикалык эксперимент) сейсмометри жана HP (Жылуулук агымы жана физикалык касиеттерин изилдөө) аппараты иштелип чыккан. DLR адистери тарабынан иштелип чыккан бул аппараттардын экинчиси Марстын бетинин астындагы жылуулук агымын өлчөө үчүн арналган. HP системасынын иштеши үчүн скважинаны бургулоо талап кылынат.
InSight зонду бургулоо иштерин эки айдан ашык убакыт мурун баштаган. Бирок Марстын топурагына тереңдетүү процессинде аппарат тоскоолдукка туш болуп, автоматтык түрдө .
Адегенде бургу ташка тийген деген божомолдор айтылды. Бирок "бургулоо" жыш топурактын катмарына тийип кетүү ыктымалдыгы да бар.
Тигил же бул учурда адистер «диагностикалык бургулоо» деп аталган операцияларды башташат. Алар мындан аркы аракеттердин стратегиясын иштеп чыгууга жардам берет.
Source: 3dnews.ru