Тармак булактары жогорку натыйжалуу Snapdragon 855 процессорун колдоноору күтүлүп жаткан Redmi смартфону тууралуу жаңы маалыматты чыгарышты.
Жакында Xiaomi CEO Лей Джун расмий түрдө көрсөтүлө элек кээ бир смартфондор менен көрүлгөнү эсибизде. Ушактарга караганда, алардын бири Snapdragon 855 платформасындагы Redmi аппараты.
Эми бул аппарат Redmi Pro 2 деген ат менен коммерциялык рынокто дебют кылышы мүмкүн экени кабарланууда. Смартфондун экраны толугу менен рамкасыз болот – ал үчүн эч кандай оюк же тешик болбойт.
Жаңы продукт тартыла турган перископ модулу түрүндөгү алдыңкы камераны алат деп болжолдонууда.
Негизги арткы камера болжолдуу түрдө 48 мегапикселдүү сенсорду камтыйт. Бул камера, жарыяланган рендерден көрүнүп тургандай, үчтүк бирдик түрүндө жасалат.
Смартфон кеминде 6 ГБ оперативдик эстутум жана 64 ГБ сыйымдуулуктагы флешка алат окшойт.
Redmi Pro 2 моделинин бет ачары ушул жылдын үчүнчү же төртүнчү кварталында болушу мүмкүн.
Source: 3dnews.ru