Тармак булактары маалымдагандай, кытайлык Xiaomi компаниясы тарабынан түзүлгөн Redmi бренди Snapdragon 855 процессору бар флагмандык смартфонду жарыялоого ашыкпайт.
Redmi деген ат менен Snapdragon 855 платформасында түзмөктү чыгаруу мүмкүнчүлүгүн ушул жылдын башында кытайлык бренддин башкы директору Лу Вэйбин кыйытты.
Ушундан кийин Xiaomi продукциясынын күйөрмандары Вейбинг мырзага аталган смартфондун долбоору тууралуу суроолорду берип жатышты. Ошондуктан, Redmi жетекчиси күйөрмандарынан аны бул темада тынчсыздандырбоосун өтүнүүгө аргасыз болгон.
Ошентип, байкоочулар Snapdragon 855 платформасында Redmi смартфонунун жакында чыгарын күтпөш керек деген тыянакка келишти. Кыязы, тиешелүү долбоор ишке ашыруудан алыс, ошондуктан Redmi жетекчиси бул боюнча конкреттүү маалымат бере албайт.
Бирок бул Snapdragon 855 негизиндеги смартфондор Redmi линиясында чыкпайт дегенди билдирбейт.Мындай аппараттар ушул жылдын экинчи жарымында жарыяланышы мүмкүн.
Учурда Redmi бренди жаңы башталгыч жана орто деңгээлдеги смартфондорду чыгарууга багытталган.
Source: 3dnews.ru