Эл аралык космос станциясынын (ЭКС) бортунда жүргөн орусиялык космонавттар жакында виртуалдык реалдуулук (VR) көз айнектерин өздөрүнүн жыргалчылыгын жакшыртуу үчүн колдоно алышат.
РИА Новости интернет басылмасынын маалыматына ылайык, бул демилге тууралуу Россия Илимдер академиясынын Медициналык-биологиялык проблемалар институтунун (ИМБП АКК) директору Олег Орлов билдирди.
Идея – космонавттарга виртуалдык реалдуулуктун заманбап технологияларын колдонуу менен, оор жумуш күнү, ошондой эле татаал космос сейилдөөлөрүнөн кийин стресстен арылууга жардам берүү.
«Биздин психологдор бул технологияны жагымдуу психологиялык климатты түзүү жана астронавттардын жүктөмүн жеңилдетүү үчүн колдонсо болот деп туура эсептешет. Жакынкы аралыкта азыркы SIRIUS экспериментинин жыйынтыгы боюнча биз мындай технологияны МКСда колдонууга сунуштайбыз», - деди Орлов мырза.
Мурда кабарлаганыбыздай, Айга учууну симуляциялоо үчүн SIRIUS изоляция программасынын катышуучулары иммерсивдүү эффект түзүү үчүн виртуалдык реалдуулук каскалары бар скафандрларды колдонушат. Эксперимент Москвада март айында башталган жана төрт айга созулат.
Кошумчалай кетсек, бүгүн, 12-апрель - Космонавтика күнү. Мындан 58 жыл мурун - 1961-жылы - тарыхта биринчи жолу адам космоско учкан: советтик космонавт Юрий Гагарин.
Source: 3dnews.ru