Financial Times басылмасынын маалыматына караганда, былтыр күздөн бери америкалык чалгын кызматтарынын жетекчилери Силикон өрөөнүндөгү технологиялык компаниялардын жетекчилерине Кытайда бизнес жүргүзүүнүн мүмкүн болуучу коркунучтары тууралуу маалымат берип жатышат.
Алардын брифингинде кибер чабуулдар жана интеллектуалдык менчикти уурдоо коркунучу тууралуу эскертүүлөр камтылган. Бул маселе боюнча жолугушуулар Калифорния менен Вашингтондон келген технологиялык компаниялар, университеттер жана венчурдук капиталисттерди камтыган түрдүү топтор менен өткөрүлдү.
Бул жолугушуулар АКШ екметунун Кытайга карата барган сайын агрессивдуу позициясынын акыркы мисалдары болуп саналат. Financial Times гезитине берген билдирүүсүндө, брифингдерди уюштурган саясатчылардын бири, республикачыл сенатор Марко Рубио алардын максатын белгиледи.
"Кытай өкмөтү жана Коммунисттик партиясы АКШнын экономикалык жана улуттук коопсуздугуна эң чоң узак мөөнөттүү коркунуч туудурат" деди Рубио. "АКШ компаниялары, университеттери жана соода уюмдары муну толук түшүнүшү маанилүү."
Financial Times гезитинин жазганына караганда, брифингдер өткөн жылдын октябрь айында башталган. Аларга АКШнын улуттук чалгындоо кызматынын директору Дэн Коутс сыяктуу АКШнын чалгындоо коомчулугунун жогорку даражалуу өкүлдөрү катышты. Жолугушуулардын жүрүшүндө жашыруун маалыматтар менен алмашылды, бул атайын кызматтар үчүн мындай маалыматтардын ачыкка чыгышынын адаттан тыш деңгээли.
Ошондон бери АКШ менен Кытайдын ортосундагы соода согушу олуттуу күчөдү.
Source: 3dnews.ru