Немис компаниясынын толук электр менен иштеген биринчи унаасы болгон Audi e-tron электр унаасы крош-тесттердин жыйынтыгы боюнча Европанын жаңы унааларды баалоо программасынын (Euro NCAP) жогорку коопсуздук рейтингин алды.
Учурда Euro NCAP көз карандысыз кырсык сыноолордун негизинде унаа коопсуздугун баалоочу негизги уюм болуп саналат. Audi e-tron электромобилинин коопсуздук рейтинги оңдон ашык болгон. Айдоочу жана чоң жүргүнчүлөрдүн коопсуздугу 91%, балдар үчүн 85%, жөө жүргүнчүлөр үчүн 71%, электрондук коопсуздук системасы 76% деп бааланган. Бул натыйжалардын аркасында унаа беш жылдыздуу коопсуздук рейтингин алды.
Фронталдык офсеттик сыноодо унаанын ичи туруктуу бойдон калды. Атайын сенсорлор тарабынан жазылган көрсөткүчтөр кагылышуу болгон учурда кабинадагы айдоочунун жана жүргүнчүлөрдүн тизелери жана жамбаштары жакшы коргоону көрсөтөт. Ар кандай позицияда отурган ар кандай бийиктиктеги жана салмактагы жүргүнчүлөр тийиштүү деңгээлде коргоону алышат. Алдыңкы кагылышууда эки жүргүнчү тең дененин бардык маанилүү бөлүктөрүн жакшы коргоого алышкан. Эксперттер аз ылдамдыкта сыноолордо өзүн далилдеген автономдуу тормоздук системанын жакшы иштешин белгилешти.
Айдоочунун көкүрөгүн коргоонун начар деңгээли мамы менен кагылышуу учурунда аныкталган. Максималдуу ылдамдыкты башкаруу системасы да жетишсиз эффективдүү экени белгиленди.
Эске сала кетсек, Audi e-tron унаасын Европа аймагына жеткирүү ушул жылдын башында башталган. Ушул айда немис автоконцернинин алгачкы электромобилдери америкалык рынокко чыкты.
Source: 3dnews.ru