Ушул айдын башында болгон биринчи коммерциялык бешинчи муундагы байланыш тармагы. Азыркы системанын кемчиликтеринин бири көп сандагы базалык станцияларды колдонуу зарылчылыгында. Учурда Түштүк Кореяда тармактын туруктуу иштешин камсыз кыла ала турган базалык станциялардын жетишсиз саны ишке киргизилген. Жергиликтүү ММКлар катардагы колдонуучулар 5G тармактары менен иштөөдө сапаттын төмөндүгүнө нааразы болуп жатканын жазышууда. Кээ бир кардарлар аларга көрсөтүлүп жаткан кызматтар жарнамалангандай тез жана коопсуз эмес экенин байкашкан.
Түштүк Кореянын ири байланыш операторлору көйгөйдү моюнга алып, келечекте көрсөтүлүүчү кызматтардын сапатын жогорулатууну убада кылышууда. SK Telekom, Korea Telecom жана LG Uplus өкүлдөрү өздөрүнүн 5G түйүндөрүндө көйгөйлөр бар экенин ачык ырасташты. Дем алыш күндөрү өлкөнүн өкмөтү көйгөйлөрдү тез арада чечүү үчүн ар жума сайын байланыш операторлору жана 5G түйүндөрү үчүн иштелип чыккан түзмөктөрдү өндүрүүчүлөр менен жолугушуу өткөрүлөрүн жарыялады. Бүгүнкүгө белгиленген биринчи жолугушууда 5G үзгүлтүктөрүн тез арада чечүү планы иштелип чыгат. Мындан тышкары бешинчи муундагы байланыш түйүндөрүн мындан ары өлкө ичинде жайылтуу маселеси каралат.
Буга чейин Корея өкмөтү жергиликтүү телекоммуникациялык компаниялар менен биргеликте үч жылдын ичинде толук кандуу улуттук 5G тармагын курууну убада кылган. 2022-жылга чейин бул максаттарга 30 триллион вон жумшоо пландаштырылууда, бул болжол менен 26,4 миллиард долларды түзөт.
Source: 3dnews.ru