Check Point: бројот на напади поврзани со коронавирус е зголемен за 30%

Во текот на изминатите две недели, регистрирани се речиси 200 илјади случаи на сајбер напади поврзани на еден или друг начин со коронавирусот. Ова е зголемување од 30 проценти во споредба со претходните недели, според студијата на Check Point Software Technologies.

Анализата на нападите покажа дека сите тие биле извршени од лажни домени кои имитирале веб-страници на меѓународни организации, како и веб-страница на комуникациската платформа Zoom. Дополнително, евидентирани се случаи на масовно испраќање на фишинг-пораки во име на Microsoft Teams и услугите на Google Meet.

Од почетокот на мај регистрирани се речиси 20 илјади нови домени поврзани со темата коронавирус, од кои 2% се малициозни, а уште 15% се сомнителни. Од почетокот на епидемијата, регистрирани се вкупно 90 илјади нови имиња на домени поврзани со СОВИД-19 ширум светот.

„Во текот на изминатите три недели, забележавме промена во трендот на фалсификувани домени. За да извлечат максимум од моменталната ситуација, хакерите прибегнуваат кон ризични методи. Ако ги анализираме најновите сајбер напади, постои јасен тренд да се имитираат домени на реномирани организации или популарни апликации. На пример, неодамна имаше активни напади во име на СЗО, ОН или Зум. Денес, особено е важно да бидете внимателни и да внимавате на сомнителните домени и испраќачи кога станува збор за е-пошта кампањи“, велат од Check Point Software Technologies.

Извор: 3dnews.ru