Американскиот регулатор забрани отповиканиот MacBook Pro да се носи на летови поради опасност од пожар на батеријата

Американската федерална управа за авијација (FAA) соопшти дека ќе им забрани на патниците на авиокомпаниите да земаат одредени Apple MacBook Pro лаптопи на летови, откако компанијата повлече голем број уреди поради опасност од пожари на батериите.

„ФАА е свесна за отповикување на батериите користени во некои Apple MacBook Pro лаптопи“, изјави портпаролот на агенцијата во е-пошта до новинската агенција Ројтерс во понеделникот, додавајќи дека регулаторот „ги предупредил авиокомпаниите за повлекувањето“.

Во јуни, Apple најави повлекување на ограничен број 15-инчни MacBook Pro лаптопи поради тоа што нивните батерии се подложни на прегревање. Станува збор за уреди кои биле продадени помеѓу септември 2015 и февруари 2017 година.

Извор: 3dnews.ru