На 24 април се навршуваат точно 30 години од лансирањето на шатлот Дискавери STS-31 со телескопот Хабл (NASA/ESA Hubble Space Telescope). Во чест на овој настан, американската Национална аеронаутичка и вселенска администрација (НАСА) одлучи уште еднаш да објави една од најпознатите и најспектакуларните слики направени од орбиталната опсерваторија - фотографија од „Столбовите на создавањето“.
Во текот на триесетте години на работа, Хабл ѝ пренесе на Земјата огромен број научни информации, чија важност е тешко да се прецени. Телескопот „погледна“ многу ѕвезди, маглини, галаксии и планети. Конкретно, беше фатена формација со неверојатна убавина - споменатите „Столбови на создавањето“.
Оваа структура е регион за формирање на ѕвезди во маглината Орел. Се наоѓа на оддалеченост од приближно 7000 светлосни години од Земјата.
„Столбовите на создавањето“ се состојат првенствено од ладен молекуларен водород и прашина. Под влијание на гравитацијата се формираат кондензации во облакот со гас и прашина, во кој се раѓаат ѕвезди.
Најпознатата фотографија на „Столбовите на создавањето“ во видливиот опсег (на првата илустрација). НАСА нуди да се погледне оваа структура во инфрацрвена светлина. На оваа слика, столбовите изгледаат како застрашувачки, сенишни структури видливи на позадината на огромен број светли ѕвезди (кликнете за да зголемите).
Извор: 3dnews.ru