Компанијата за дизајн и производство на чипови HiSilicon, која е во целосна сопственост на Huawei Technologies, во петокот соопшти дека одамна е подготвена за „екстремно сценарио“ во кое на кинескиот производител би можело да му биде забрането да купува американски чипови и технологија. Во овој поглед, компанијата истакна дека е во состојба да обезбеди стабилни набавки на повеќето производи неопходни за активностите на Huawei.
Според Ројтерс, претседателот на HiSilicon, Хе Тингбо, го објави ова во писмо до вработените на 17 мај, набргу откако САД официјално му забранија на Huawei да купува американска технологија без посебна дозвола.
Претседателот на HiSilicon истакна дека компанијата е способна да обезбеди „стратешка безбедност“ за повеќето производи на кинескиот производител, додавајќи дека Huawei си поставил цел да биде технолошки самодоволна.
Извор: 3dnews.ru