Мајкрософт објави затворање на сите продавници за малопродажба на Microsoft Store поради појава на КОВИД-19. Компанијата има повеќе од 70 продавници во САД, седум во Канада и по една во Порторико, Австралија и Англија.
„Знаеме дека семејствата, работниците од далечина и бизнисите се под невиден притисок во моментов, и ние сè уште сме тука да ви служиме онлајн на microsoft.com“, објави компанијата на Твитер.
Мајкрософт не посочи колку долго ќе трае суспензијата на продавницата. Пред ова, голем број компании, меѓу кои Apple и Nike, најавија затворање на продавниците на нивните компании поради глобалната пандемија на коронавирус.
Мајкрософт беше една од првите компании што побара од вработените да работат од дома кога COVID-19 почна да се шири во Сиетл.
Извор: 3dnews.ru