Тајванскиот производител на чипови TSMC претходно денеска за добивката за првиот квартал од 2020 година. Приходите на компанијата беа приближно 310,6 милијарди NT$, што е за 2,1% повеќе од претходниот квартал. Споредено со истиот период лани, растот на добивката е 42%. Најголемиот профит, 35% од вкупниот приход, дојде на компанијата од производството на чипови со помош на напредната процесна технологија од 7 nm.
Следната фаза за компанијата е производство на чипови според стандардите на процесната технологија од 5 nm. Компанијата веќе започна со масовно производство според новите норми и се очекува да достигне полн капацитет во втората половина од годината. Бидејќи 5nm процесот на TSMC е единствениот во светот подготвен за масовно производство, чиповите направени со него се очекува да донесат околу 10% од годишниот приход на компанијата.
Според официјалните податоци, чипот од 5 nm, базиран на јадрото Cortex-A72, ќе може да обезбеди 1,8 пати поголема густина, 15% поголема брзина и 30% помала потрошувачка на енергија од сличен процесор од 7 nm.
Новата процесна технологија ќе се користи главно во производството на чипсети A14 Bionic и Kirin 1020 за Apple и Huawei, соодветно. Според прелиминарните податоци, Apple A14 Bionic процесорот ќе ја премине границата од 3 GHz. Што се однесува до Kirin 1020, сè уште нема потврдени податоци за него. Сепак, постојат шпекулации дека новиот мобилен чипсет на Huawei ќе биде изграден со помош на Cortex-A78 јадрата.
Apple A14 Bionic се очекува да биде претставен во серијата паметни телефони iPhone 12, додека HiSilicon Kirin ќе биде претставен заедно со Huawei Mate 40.
Извор: 3dnews.ru