Од минатата година американските разузнавачки агенции ги предупредуваат компаниите за опасностите од соработката со Кина.

Според публикацијата на Фајненшл тајмс, од минатата есен, шефовите на американските разузнавачки агенции ги информирале раководителите на технолошките компании во Силиконската долина за можните опасности од водење бизнис во Кина.

Нивните брифинзи вклучуваа предупредувања за заканата од сајбер напади и кражба на интелектуална сопственост. Беа одржани состаноци за ова прашање со различни групи, меѓу кои беа технолошки компании, универзитети и ризични капиталисти од Калифорнија и Вашингтон.

Состаноците се најнови примери за се поагресивниот став на американската влада кон Кина. Во изјавата дадена за Фајненшл Тајмс, републиканскиот сенатор Марко Рубио, еден од политичарите кои ги организираа брифинзите, ја истакна нивната цел.

„Кинеската влада и Комунистичката партија претставуваат најголема долгорочна закана за економската и националната безбедност на САД“, рече Рубио. „Важно е американските компании, универзитети и трговски организации целосно да го разберат ова“.

Според „Фајненшл тајмс“, брифинзите започнале во октомври минатата година. На нив присуствуваа високи членови на американската разузнавачка заедница, како Ден Коутс, директор на Националното разузнавање на САД. На средбите се разменија доверливи информации што е невообичаено ниво на откривање на такви информации за разузнавачките служби.

Оттогаш, има сериозна ескалација во трговската војна меѓу САД и Кина.

Извор: 3dnews.ru