САД подготвуваат нови ограничувања за Huawei

Високи функционери од администрацијата на американскиот претседател Доналд Трамп подготвуваат нови мерки насочени кон ограничување на глобалното снабдување со чипови на кинеската компанија Huawei Technologies. Ова го објави новинската агенција Ројтерс, повикувајќи се на информиран извор.

Според овие измени, странските компании кои користат американска опрема за производство на чипови ќе треба да добијат лиценца од САД, според која ќе им биде дозволено или не ќе им биде дозволено да снабдуваат одредени видови производи на Huawei.

Бидејќи голем дел од опремата за производство на чипови што се користи ширум светот се заснова на американската технологија, новите ограничувања значително ќе ги зголемат овластувањата на САД за контрола на извозот на полупроводници, што според трговските експерти ќе налути многу американски сојузници.

Во извештајот се наведува дека одлуката е донесена на официјална средба на американски високи претставници и претставници на различни институции, што се одржа денеска. Тоа ќе направи одредени производи произведени во странство врз основа на технологија или софтвер со потекло од САД да подлежат на прописите на САД.

Засега не се знае дали американскиот претседател ќе го одобри овој предлог, бидејќи минатиот месец се изјасни против ваквите мерки. Претставниците на американското Министерство за трговија, кое игра важна улога во донесувањето на ваквите одлуки, се уште не се изјасниле за ова прашање.

Извор: 3dnews.ru