Вашингтон привремено ги олеснува трговските ограничувања за Huawei

Владата на САД привремено ги намали трговските ограничувања наметнати минатата недела на кинеската компанија Huawei Technologies.

Американското Министерство за трговија му додели на Huawei привремена лиценца од 20 мај до 19 август, дозволувајќи му да купува производи од САД за поддршка на постоечките мрежи и ажурирања на софтвер за постоечките телефони на Huawei.

Во исто време, на најголемиот светски производител на телекомуникациска опрема и натаму ќе му биде забрането да купува американски делови и компоненти за производство на нови производи без да добие регулаторно одобрение.

Според американскиот секретар за трговија Вилбур Рос, лиценцата им дава време на американските превозници кои користат опрема на Huawei да преземат други мерки.

„Накратко, оваа лиценца ќе им овозможи на постоечките клиенти да продолжат да ги користат мобилните телефони на Huawei и да одржуваат широкопојасни мрежи во руралните области“, рече Рос.

Извор: 3dnews.ru