Поради постојаниот притисок од Соединетите држави, кои сметаат дека употребата на технологиите на Huawei е закана за националната безбедност, Велика Британија почна да бара алтернатива за опремата 5G на кинеската компанија. Според извор на Ројтерс, британските власти разговарале за можноста за снабдување на мрежна опрема за 5G со компании од Јужна Кореја и Јапонија.
Разговорите со јапонската NEC Corp и јужнокорејската Samsung Electronics, за кои првпат објави Блумберг, доаѓаат како дел од планот објавен од Британија минатата година за диверзификација на добавувачите на опрема за 5G, рече изворот.
Во јануари, Велика Британија го назначи Huawei како „добавувач со висок ризик“, ограничувајќи го неговото учество во изградбата на 5G мрежите и исклучувајќи го од добавувачите на основна опрема на мрежата.
САД веруваат дека тоа не е доволно и продолжуваат да вршат притисок за целосно елиминирање на употребата на опремата на Huawei од страна на британските оператори.
Во средата, американскиот сенатор Том Котон ја предупреди Британија дека одлуката да му се дозволи на Huawei да учествува во воведувањето на 5G мрежите може да и наштети на воената соработка и да предизвика проблеми во трговските преговори меѓу двете земји.
Извор: 3dnews.ru
