Сан Франциско сака да ја забрани продажбата на електронски цигари

Властите во Сан Франциско размислуваат за можна забрана за продажба на електронски цигари. Се очекува да остане во сила се додека американската Администрација за храна и лекови (ФДА) не спроведе истрага за нивните здравствени ефекти.

Официјални лица во градот, кој веќе ја забрани продажбата на ароматизиран тутун и испарувачи со ароми, рекоа дека таквата студија требало да биде завршена пред да се појават електронските цигари на пазарот.

Предложениот закон ќе биде прв од ваков вид во САД и има за цел да го спречи ширењето на таканаречената „епидемија“ на употреба на електронски цигари кај младите.

Градскиот обвинител Денис Херера, еден од коспонзорите на законот, рече дека веќе има „милиони деца зависни од електронски цигари, а ќе следат уште милиони“ доколку не се преземат мерки.

Тој додаде дека Сан Франциско, Чикаго и Њујорк испратиле заедничко писмо до ФДА во кое повикуваат на истрага за влијанието на електронските цигари врз јавното здравје.

Според американските центри за контрола и превенција на болести, бројот на тинејџери во САД кои признале дека користеле тутунски производи „во последните 30 дена“ се зголемил за 36% помеѓу 2017 и 2018 година, од 3,6 милиони на 4,9 милиони. Оваа статистика се должи на пораст на употребата на е-цигари.

Извор: 3dnews.ru