Alibaba Group Holdings Ltd-ийн хөгжүүлэгчид машин сургалтын тусгай шийдэл болох үүлэн тооцооллын хэлтсээс үзүүлж буй үйлчилгээний чанарыг сайжруулахад ашиглагдах өөрсдийн процессороо танилцууллаа.
Нээлттэй бүтээгдэхүүн болох Hanguang 800 нь компанийн анхны бие даан бүтээсэн хиймэл оюун ухаантай процессор бөгөөд Алибаба цахим худалдааны аварга компанийн вэб сайтууд дээр бүтээгдэхүүн хайх, орчуулах болон хувийн зөвлөмж өгөхөд аль хэдийн ашиглагдаж байна.
"Hanguang 800-ийг худалдаанд гаргах нь бидний одоогийн болон шинээр гарч ирж буй бизнесүүдийг хөдөлгөж, эрчим хүчний үр ашгийг дээшлүүлэх дараагийн үеийн технологийг эрэлхийлэх чухал алхам юм" гэж Алибабагийн захирал Жефф Жан хэлэв.
Алибаба одоогоор Hanguang 800-г бие даасан арилжааны бүтээгдэхүүн болгон борлуулах бодолгүй байгааг тус компанийн хэвлэлийн алба онцолжээ. Процессорыг боловсруулах ажлыг 2017 онд ажиллаж эхэлсэн Алибабагийн судалгааны хүрээлэн болох DAMO академийн мэргэжилтнүүд болон тус компанийн хагас дамжуулагчийн хэлтсийн инженерүүд гүйцэтгэсэн.
Alphabet Inc, Facebook Ink зэрэг зарим технологийн аварга компаниуд хиймэл оюун ухаантай холбоотой дата төвийн гүйцэтгэлийг сайжруулахын тулд өөрсдийн процессоруудыг хөгжүүлж байгааг тэмдэглэх нь зүйтэй.
Аналитикийн Canalys компанийн мэдээлснээр Алибаба Хятадын зах зээлд үүлэн тооцооллын зах зээлд өрсөлдөгч байхгүй. Шинжээчдийн тооцоолсноор энэ оны эхний улиралд Алибаба Хятадын үүлэн тооцооллын зах зээлийн 47 хувийг эзэлжээ.
Эх сурвалж: 3dnews.ru