Ухаалаг утас нь маш их алдартай байсан Тайванийн HTC компани ажилчдаа дахин цомхотгохоос өөр аргагүйд хүрчээ. Энэхүү арга хэмжээ нь компанийг тахал, эдийн засгийн хүнд нөхцөлд даван туулахад тусална гэж үзэж байна.
HTC-ийн санхүүгийн байдал муудсан хэвээр байна. Энэ оны нэгдүгээр сард компанийн орлого өмнөх оны мөн үетэй харьцуулахад 50 гаруй хувиар, хоёрдугаар сард гуравны нэг орчим хувиар буурсан байна. Гуравдугаар сард орлого 67 хувиар, дөрөвдүгээр сард 50 орчим хувиар буурчээ.
Ийм нөхцөлд HTC бизнесээ оновчтой болгохын тулд хатуу арга хэмжээ авах ёстой. Энэ удаад хэдэн ажилтнаа цомхотгох тухай мэдээлэл алга.
Ойрын ирээдүйд HTC нь виртуал болон нэмэгдсэн бодит байдлын технологийг хөгжүүлэхэд анхаарлаа хандуулахыг зорьж байна. Коронавирусын тархалтын улмаас олон компанийн ажилчид алсын зайн ажил, сургуулийн сурагчид, оюутнуудын зайнаас суралцаж байгаатай холбогдуулан ийм шийдлийн эрэлт нэмэгдэх төлөвтэй байна.
Өвчин дэлхий даяар тархсаар байгааг нэмж хэлье. Сүүлийн үеийн статистик мэдээллээр дэлхий даяар ойролцоогоор 6,4 сая хүн халдвар авсан байна. Нас барсан хүний тоо бараг 380 мянгад хүрч, Орост 424 мянган хүнээс коронавирус илэрсэн байна. 5 мянга гаруй өвчтөн нас баржээ.
Эх сурвалж: 3dnews.ru