Блүүмберг агентлагийн мэдээлснээр Хятад улс хоёр жилийн дотор төрийн байгууллага, төрийн өмчит аж ахуйн нэгжүүдэд гадаадын компаниудын компьютер, үйлдлийн системийг ашиглахаа зогсоох бодолтой байна. Энэхүү санаачилгын хүрээнд Хятадын үйлдвэрлэгчдийн тоног төхөөрөмжөөр солих захиалга авсан гадаадын брэндийн дор хаяж 50 сая компьютерийг солих шаардлагатай гэж үзэж байна.
Урьдчилсан мэдээллээс харахад процессор зэрэг солиход хэцүү бүрэлдэхүүн хэсгүүдэд зохицуулалт хамаарахгүй. Хятадад өөрийн чипийг хөгжүүлсэн ч ихэнх Хятадын үйлдвэрлэгчид Intel болон AMD процессоруудыг компьютер дээрээ ашигласаар байна. Майкрософт программ хангамжийг Хятадын үйлдвэрлэгчдийн боловсруулсан Линукс дээр суурилсан шийдлээр солихыг зөвлөж байна.
Хятадын засгийн газрын санаачилгын талаарх мэдээлэл гарсны дараа Хятадын зах зээлийн багагүй хувийг эзэлдэг HP болон Dell компанийн хувьцаа 2.5 орчим хувиар унасан байна. Харин Хятадын Lenovo, Inspur, Kingsoft, Standard Software зэрэг үйлдвэрлэгчдийн хувьцаа эсрэгээрээ өссөн байна.
Эх сурвалж: opennet.ru