Их Британийн засгийн газар Баруун Лондон хотын төвлөрсөн халаалтын системийг шинэчлэхэд зориулж 36 сая фунт стерлинг буюу 44,5 сая доллар хуваарилжээ. Datacenter Dynamics-ийн мэдээлснээр уг систем нь дата төвүүдийн "хог" дулааныг ашиглан 10 мянган байшинг халаах боломжийг олгоно. Өнгөрсөн зун дата төвүүд орон нутгийн дэд станцуудад байгаа бүх эрчим хүчийг нөөцөлсөн тул тус бүсэд шинээр баригдах орон сууцны төслүүдийг түр зогсоосон гэсэн дуулиан дэгдээв. Тус улсын Эрчим хүчний яамны харьяа Ногоон дулааны сүлжээний сан (GHNF) нь хөргөлтийн шингэний температур +20-аас +35 хэм хүртэл байдаг дата төвүүдийн дулааныг ашиглах чадвартай системийг бий болгоход хөрөнгө зарцуулахаар төлөвлөж байна. Төслийн хэрэгжилтийг нийслэлийн баруун бүсийг тохижуулах чиглэлээр ажилладаг нийслэлийн Засаг даргын Тамгын газраас үүсгэн байгуулсан Old Oak and Park Royal Development Corporation (OPDC) гүйцэтгэнэ. Дулааны шугам сүлжээг дэд бүтцийн “Аеком” компани хөгжүүлнэ.
Эх сурвалж: 3dnews.ru