Энэ улиралд дэлхийн хэмжээнд зөөврийн компьютерын эрэлт эрс нэмэгдэнэ гэж Тайваний эрх бүхий эх сурвалж DigiTimes мэдээлэв.
Шалтгаан нь шинэ төрлийн коронавирусын тархалт юм. Царт тахлын улмаас олон компани ажилчдаа алсын ажил руу шилжүүлэхээс өөр аргагүйд хүрчээ. Нэмж дурдахад дэлхийн өнцөг булан бүрт иргэд өөрсдийгөө тусгаарлаж байна. Энэ нь зөөврийн системийн эрэлт хэрэгцээг нэмэгдүүлсэн.
Шинжээчдийн таамаглаж байгаагаар зөөврийн компьютерын нийлүүлэлт энэ оны хоёрдугаар улиралд улирлынхаас 40 гаруй хувиар өснө.
Одоогийн байдлаар зөөврийн компьютер нь алсаас ажиллах болон алсын зайнаас суралцахад эрэлт хэрэгцээтэй байгааг тэмдэглэжээ.
Хувийн компьютерын зах зээлийн хувьд бүхэлдээ уналт ажиглагдаж байна. Энэ нь аж ахуйн нэгжийн үйлчлүүлэгчид тоног төхөөрөмжийг шинэчлэх хөтөлбөрийг царцаасан эсвэл бүрмөсөн цуцалсантай холбоотой юм.
Gartner-ийн мэдээлснээр энэ оны эхний улиралд 51,6 сая хувийн компьютер зарагдсан байна. Харьцуулбал: жилийн өмнө нийлүүлэлт 58,9 сая ширхэг байжээ. Ингээд 12,3%-иар буурсан байна. Энэ нь 2013 оноос хойш нийлүүлэлтийн хамгийн ноцтой бууралт гэдгийг тэмдэглэжээ.
Эх сурвалж: 3dnews.ru