Оросын нийслэлд үйлчилдэг бүхэл бүтэн цахилгаан автобуснууд улам бүр түгээмэл болж байна. Энэ тухай Москва хотын захирагч ба засгийн газрын албан ёсны портал мэдээлэв.
Өнгөрсөн оны есдүгээр сараас Москва хотод цахилгаан автобуснууд зорчигч тээвэрлэж эхэлсэн. Энэ төрлийн тээвэрлэлт нь агаар мандалд ялгарах хорт утааны түвшинг бууруулах боломжийг олгодог. Троллейбустай харьцуулахад цахилгаан автобус нь маневрлах чадвараараа өндөр байдаг.
Одоогоор Оросын нийслэлд 60 гаруй цахилгаан автобус үйлчилж байна. Тэдэнд зориулж 62 цэнэглэх станц суурилуулсан бөгөөд Москвагийн эрчим хүчний дэд бүтцэд холбогдсон хэвээр байна.
“Цахилгаан автобусны зорчигчдын урсгал байнга нэмэгдэж байна. Хэрэв энэ оны нэгдүгээр сард өдөр бүр 20 мянган хүн хэрэглэж байсан бол гуравдугаар сард аль хэдийн 30 мянга болжээ. Цахилгаан автобуснууд ашиглалтад орсноос хойш 2,5 сая гаруй зорчигч тээвэрлэсэн” гэж мэдэгдэлд дурджээ.
Түүнчлэн Москвагийн цахилгаан автобуснууд техникийн үзүүлэлтээрээ дэлхийд дээгүүрт ордог болохыг тэмдэглэжээ. Машинууд нь видео тандалтын систем, гаджетыг цэнэглэх USB холбогч, цаг уурын хяналтаар тоноглогдсон. Түүнчлэн зорчигчид Wi-Fi технологийг ашиглан интернетэд үнэ төлбөргүй нэвтрэх боломжтой болсон.
Цахилгаан автобус бараг чимээгүй хөдөлдөг. Үүнийг эцсийн зогсоол дээр байрладаг хэт хурдан цэнэглэх станцуудад пантограф ашиглан цэнэглэх ёстой.
Эх сурвалж: 3dnews.ru