Жулиан Ассанжтай ойр дотно харилцаатай Шведийн программ хангамжийн инженер Ола Бини Эквадороос гарах гэж байгаад саатуулагдсан тухай цахим эх сурвалжууд мэдээлж байна. Биниг баривчилсан нь WikiLeaks сайтыг үндэслэгч Эквадорын Ерөнхийлөгчийг шантааж хийсэн хэргийг шалгаж байгаатай холбоотой юм. Залууг энэ долоо хоногийн сүүлээр Япон руу явах гэж байгаад Китогийн нисэх онгоцны буудалд цагдаа нар саатуулжээ.
Эквадорын эрх баригчид Биниг Ассанжийг Лондон дахь элчин сайдын яамнаас нүүлгэхийг хойшлуулахын тулд Эквадорын удирдагчийг шахаж дарамталсан шантаажлагчдад холбоотой байж магадгүй гэж үзэж байна.
Эквадорын дипломатууд Ассанжийг эрх баригчдад шилжүүлэн өгвөл түүний хамтран зүтгэгчид засгийн газрын нууц мэдээлэлд нэвтрэхийн тулд кибер халдлага зохион байгуулж болзошгүйд санаа зовж буйгаа илэрхийлжээ. Үүний хариуд Их Британи Эквадор дахь кибер аюулгүй байдлын түвшинг дээшлүүлэхэд шаардлагатай тусламж үзүүлэхэд бэлэн байгаагаа мэдэгдэв.
Эквадорын эрх баригчид WikiLeaks болон түүний үүсгэн байгуулагч Жулиан Ассанжийг тус улсын ерөнхийлөгч болон түүний гэр бүлийнхнийг буруутгасан нотлох баримт цуглуулах кампанит ажил зохион байгуулсан гэж буруутгаж байгааг сануулъя. Бинигийн энэ хэрэгт холбогдсон нь цагдаагийн байгууллагаар нотлогдоогүй байгаа ч Шведийн программистыг мэдэх хүмүүс түүнийг буруутгаж байгаа нь үндэслэлгүй гэж үзэж байна. WikiLeaks сайтыг үүсгэн байгуулагч өөрөө сүүлийн хэдэн жил ажиллаж байсан Эквадорын элчин сайдын яамнаас гарахаас өөр аргагүйд хүрсний дараа Английн цагдаад хүлээлгэн өгчээ.
Эх сурвалж: 3dnews.ru