Францын автомашин үйлдвэрлэгч Renault SA, түүний Япон дахь түнш Nissan Motor болон Waymo (Alphabet холдинг компани) Франц, Японд хүн, ачаа тээвэрлэхэд автомат жолоодлоготой автомашиныг хөгжүүлэх, ашиглах чиглэлээр хамтран ажиллах шийдвэр гаргаснаа зарлав.
Waymo, Renault болон Nissan нарын хооронд байгуулсан анхны гэрээ нь "хөдөлгөөний үйлчилгээг өргөн цар хүрээтэй нэвтрүүлэх тогтолцоог боловсруулахад чиглэгдэж байна" гэж Renault-Nissan Alliance-ын бизнесийн хөгжлийг хариуцдаг Хади Заблит тайлбарлав. Түүний хэлснээр тус компани дараачийн шатанд автомашинуудыг туршиж, үйлчилгээгээ байршуулж эхэлнэ.
Хэлэлцээрийн хүрээнд хоёр автомашин үйлдвэрлэгч Франц, Японд хамтарсан үйлдвэр байгуулж, өөрөө явагч машин ашиглан тээврийн үйлчилгээг хөгжүүлэх юм. Заблит хэлэхдээ, Waymo-д цаашид хөрөнгө оруулалт хийх боломжийг бас авч үзэж байна.
Эх сурвалж: 3dnews.ru