Хурууны хээ сканнертай адил ухаалаг утасны урд камерыг дэлгэцэн доор байрлуулах боломж нэлээд удаан хугацаанд яригдаж байна. Цаашид Samsung дэлгэцийн доор мэдрэгч байрлуулахаар төлөвлөж байгаа талаар цахим эх сурвалжууд мэдээлж байна. Энэ арга нь камерт зориулсан тор бий болгох хэрэгцээг арилгах болно.
Өмнөд Солонгосын технологийн аварга компани Galaxy S10 ухаалаг гар утсанд зориулан мэдрэгчийн жижиг нүхтэй Infinity-O дэлгэцийг аль хэдийн бүтээж эхэлжээ. OLED дэлгэцэнд нүх гаргах технологи бүтээхэд амаргүй байсан ч эцсийн дүндээ үр дүнгээ өгсөн гэдгийг тус компанийн төлөөлөгчид тэмдэглэж байна.
Өмнөд Солонгосын хөгжүүлэгчид үүгээр зогсох бодолгүй байна. Дэлгэцийн доор камер байрлуулах санааг судалж байгаа ч одоогоор хэрэгжүүлэхэд техникийн хүндрэлтэй байгаа гэж тэд хэлэв. Ойрын хоёр жилд технологийн хөгжил нь тус компанийн ухаалаг гар утаснууд дэлгэцийн ард нуугдсан “үл үзэгдэх” камеруудыг хүлээн авахад хүргэнэ гэж таамаглаж байна.
Samsung бүрэн дэлгэцийн хэт авианы хурууны хээ сканнер бүтээж байгааг тэмдэглэх нь зүйтэй. Үүнийг ухаалаг гар утсанд нэгтгэснээр хэрэглэгч хаана ч байсан дэлгэцэнд хуруугаараа хүрч төхөөрөмжийн түгжээг тайлах боломжтой болно. Компанийн үйл ажиллагааны өөр нэг чиглэл бол ухаалаг гар утасны дэлгэцээр дуу дамжуулах технологийг бий болгох явдал юм. Үүнтэй төстэй технологийг ухаалаг гар утсанд ашигласан .
Эх сурвалж: 3dnews.ru