Швейцарийн засгийн газар тав дахь үеийн холбооны сүлжээний үйл ажиллагаанд ашиглаж буй давтамж нь эрүүл мэндэд сөргөөр нөлөөлж болзошгүй гэж үзэж буй тус улсын хүн амын зарим хэсгийнхний санаа зовнилыг бууруулах хяналтын тогтолцоог бий болгохоор төлөвлөж байгаагаа зарлалаа.
Швейцарийн Сайд нарын танхим ионжуулдаггүй цацрагийн түвшинг хэмжих ажлыг хийхээр тохиролцов. Тэдгээрийг орон нутгийн байгаль орчны байгууллагын ажилтнууд гүйцэтгэнэ. Түүнчлэн шинжээчид болзошгүй эрсдэлийг үнэлж, гаргасан дүгнэлтийг олон нийтэд тогтмол мэдээлнэ.
Тус улсын зарим бүс нутагт 5G сүлжээг бий болгоход шаардлагатай шинэ антен ашиглахыг хориглож байгаатай холбоотойгоор энэ алхам шаардлагатай болсон. Хариуд нь орон нутгийн харилцаа холбооны операторууд 5G сүлжээг нэвтрүүлэх ажлыг түргэсгэхийг эрэлхийлж, ирээдүйд хэд хэдэн үр өгөөж хүртэнэ гэж найдаж байна. Юуны өмнө тав дахь үеийн харилцаа холбооны сүлжээг байршуулснаар эд зүйлсийн интернетийн хөгжлийг хурдасгаж, бие даасан тээвэрт түлхэц өгнө.
Статистик мэдээллээс харахад Швейцарийн иргэдийн талаас илүү хувь нь 5G антенны цацрагийн талаар санаа зовж байгаа нь онолын хувьд эрүүл мэндэд сөргөөр нөлөөлж болзошгүй юм.
Эх сурвалж: 3dnews.ru