Есдүгээр сарын 15-ны дотор Америкийн ямар ч компани авахгүй бол Хятадын видео үйлчилгээ болох TikTok-ыг АНУ-д ажиллуулахыг тус улсын засгийн газар хориглоно гэж АНУ-ын Ерөнхийлөгч Дональд Трамп даваа гарагт мэдэгдсэнийг та бүхэн мэдэж байгаа.
АНУ, БНХАУ-ын засгийн газар хоорондын хурцадмал харилцаанаас үүдэн нөхцөл байдал ингэж хөгжсөн. Өмнө нь мэдэгдэж байсанчлан Майкрософт TikTok-ыг худалдаж авах сонирхолтой байгаагаа илэрхийлсэн. Одоо Apple үүнтэй төстэй хүслээ илэрхийлсэн гэх мэдээлэл байна. Энэ тухай нэр хүндтэй Axios хэвлэлээс Дан Примак мэдээлэв. Тэрээр Apple-ийн эдгээр зорилгын талаарх мэдээллийг янз бүрийн эх сурвалжаас удаа дараа хүлээн авч байсан ч компанийн доторх хэн ч үүнийг албан ёсоор батлаагүй гэж мэдэгдэв. Хэрэв Apple TikTok-ийг худалдаж авбал энэ нь компанийн түүхэн дэх хамгийн том худалдан авалт болж магадгүй гэдгийг анхаарна уу.
Энэ байдал эцсийн дүндээ хэрхэн шийдэгдэх нь тодорхойгүй байгаа ч АНУ эхлүүлсэн ажлаа дуусгана гэдэгт эргэлзэхгүй байна. Үүний нэг жишээ бол Google-ийн үйлчилгээг төхөөрөмж дээрээ ашиглах боломжоо алдаж, ухаалаг гар утасны процессор нийлүүлэхэд хүндрэлтэй байгаа тус улсын Huawei-д чиглэсэн бодлого юм.
Эх сурвалж:
Эх сурвалж: 3dnews.ru