Гар утасны салбарын шинэ бүтээгдэхүүнүүдийн талаарх найдвартай мэдээллийг байнга нийтэлдэг OnLeaks эх сурвалж одоогоор албан ёсоор зарлагдаагүй байгаа нууцлаг Моторола ухаалаг гар утасны дүрслэлүүдийг танилцуулав.
Төхөөрөмжийн гол онцлог нь дөрвөн модулийн үндсэн камер юм. Түүний оптик блокууд нь 2х2 матриц хэлбэрээр байрладаг.Модулиудын аль нэг нь 48 мегапикселийн мэдрэгчтэй гэж ярьдаг.
Шинэ бүтээгдэхүүний дэлгэц нь диагональаараа 6,2 инч байна. Самбарын дээд хэсэгт урд камерт зориулсан нулимс дусал хэлбэртэй жижиг зүсэлт бий. Дэлгэцийн хэсэгт шууд суурилуулсан хурууны хээ уншдаг төхөөрөмж байдаг гэж байгаа.
Ухаалаг утасны заасан хэмжээсүүд нь 158,7 × 75 × 8,8 мм байна. Төхөөрөмж нь тэгш хэмтэй USB Type-C порттой, чихэвчний 3,5 мм-ийн стандарт залгууртай байх болно.
Харамсалтай нь ашигласан процессорын төрөл, санах ойн хэмжээ одоогоор байхгүй байна. Гэхдээ энэ төхөөрөмж нь Qualcomm-ын бүтээсэн чипүүдийн аль нэгэнд суурилсан байх магадлалтай.
Моторолагийн шинэ бүтээгдэхүүн хэзээ, ямар үнээр худалдаанд гарах талаар одоогоор мэдээлэл алга байна.
Эх сурвалж: 3dnews.ru