Google Play Store-д хоёр хүчин зүйлийн баталгаажуулалтыг давахын тулд нэг удаагийн нууц үг рүү нэвтрэхийг оролддог хортой програмууд гарч ирсэн гэж ESET мэдээлж байна.
ESET-ийн мэргэжилтнүүд уг хортой програмыг хууль ёсны криптовалют BtcTurk биржийн нэрээр халхалсан болохыг тогтоосон. Тодруулбал, BTCTurk Pro Beta, BtcTurk Pro Beta, BTCTURK PRO гэх хортой программуудыг илрүүлсэн байна.
Эдгээр програмуудын аль нэгийг татаж аваад суулгасны дараа хэрэглэгчээс мэдэгдэлд хандахыг хүсэх болно. Дараа нь BtcTurk системд итгэмжлэл оруулах цонх гарч ирнэ.
Баталгаажуулалтын өгөгдлийг оруулах нь хохирогч алдааны мессеж хүлээн авснаар дуусна. Энэ тохиолдолд өгөгдсөн мэдээлэл, баталгаажуулалтын код бүхий попап мэдэгдлийг кибер гэмт хэрэгтнүүдийн алсын сервер рүү илгээдэг.
ESET-ийн тэмдэглэснээр, ижил төстэй функц бүхий хортой програмуудыг илрүүлсэн нь Android программуудын дуудлагын бүртгэл болон SMS-д хандах хандалтыг хязгаарласнаас хойш мэдэгдэж байгаа анхны тохиолдол юм.
Хуурамч криптовалют программуудыг энэ сард Google Play-д байршуулжээ. Илэрсэн программуудыг устгасан боловч халдагчид өөр нэрээр тайлбарласан функц бүхий хортой програмуудыг Google Play-д байршуулах боломжтой.
Эх сурвалж: 3dnews.ru