Германы автомашин үйлдвэрлэгч Volkswagen AG болон Хятадын автомашин үйлдвэрлэгч Anhui Jianghuai Automobile Co (JAC) нарын хамтарсан компани Хэфэй зүүн хэсэгт цахилгаан автомашины шинэ үйлдвэр барихад 5,06 тэрбум юань буюу 750,8 сая ам.долларын хөрөнгө оруулалт хийхээр төлөвлөж байна.
Энэ тухай Хэфэйгийн эдийн засаг, технологийн хөгжлийн бүсэд зориулсан цахим хэвлэлд мэдээлсэн байна. Нийтлэгдсэн баримт бичгийн дагуу Volkswagen болон JAC компаниуд жилд 100 мянга хүртэлх цахилгаан машин үйлдвэрлэх үйлдвэр барих зөвшөөрлийг байгаль орчны байгууллагаас авсан байна.
Хамтарсан үйлдвэрийн төлөөлөгч үйлдвэр барих төлөвлөгөөгөө баталж, тус компанийн SOL E20X нэртэй анхны цахилгаан машин энэ онд худалдаанд гарна гэдгийг тэмдэглэв.
Эх сурвалж: 3dnews.ru