Японы компаниудын дийлэнх нь Хятадын Huawei болон бусад гадаадын фирмүүдийн 5G мобайл сүлжээг ашиглах бодолгүй байгаа бөгөөд аюулгүй байдлын эрсдэлээс үүдэн дотоодын харилцаа холбооны операторуудад найдахыг илүүд үзэж байна гэж Ройтерс агентлагийн судалгааны тайланд дурджээ.
Хятадын харилцаа холбооны аварга компанийн тоног төхөөрөмжийг тагнуулын ажиллагаанд ашиглаж магадгүй гэсэн болгоомжлол Вашингтонд түгшүүртэй байгаа үед корпорацийн судалгааны дүн гарчээ. Японы операторууд ирэх онд өндөр хурдны 5G утасгүй үйлчилгээг нэвтрүүлэх гэж байна.
Бичсэн тайлбартаа Японы нэг ч компани Huawei болон бусад гадаадын фирмүүдийг нэрлээгүй боловч судалгаанд оролцогчид гадаадын үйлдвэрлэгчдийн тоног төхөөрөмжийг ашиглах үед аюулгүй байдлын асуудалд санаа зовж байгаагаа илэрхийлсэн байна.
Эх сурвалж: 3dnews.ru