Мобайл технологи, үүрэн холбооны салбарын олон улсын хамгийн том арга хэмжээ болох MWC 2020 энэ сарын сүүлээр болох ч бүх компаниуд оролцохгүй бололтой.
Шведийн харилцаа холбооны тоног төхөөрөмж үйлдвэрлэгч Ericsson Хятадад гарсан коронавирусын дэгдэлтийн улмаас MWC 2020-ыг алгасах шийдвэрээ баасан гарагт зарлалаа.
Үүний дараа дэлхийн гар утасны технологийн хамгийн том үзэсгэлэн дахин нэг цохилтыг хүлээн авлаа - уг арга хэмжээний ивээн тэтгэгчдийн нэг NVIDIA "коронавирустай холбоотой эрүүл мэндийн эрсдэл"-ийн улмаас Барселонд болох MWC 2020-д ажилчдаа явуулахгүй гэдгээ мэдэгдэв.
“Коронавирусын халдвартай холбоотой нийгмийн эрүүл мэндийн эрсдэлийг шийдвэрлэх, хамтран ажиллагсад, түншүүд, үйлчлүүлэгчдийнхээ аюулгүй байдлыг хангах нь бидний нэн тэргүүний зорилт юм... Бид хиймэл оюун ухаан, 5G болон vRAN дахь ажлаа энэ салбарынхантай хуваалцахыг тэсэн ядан хүлээж байна. Бид оролцохгүйдээ харамсаж байгаа ч энэ нь зөв шийдвэр гэж үзэж байна” гэж тус компанийн мэдэгдэлд дурджээ.
MWC 2020-д оролцохоос татгалзсан тухай өмнө нь LG компани. Испани долоо хоногийн өмнө тус улсад коронавирусын анхны тохиолдол бүртгэгдсэнийг харгалзан зарим компаниуд вакцингүй, 720 гаруй хүний аминд хүрсэн өвчний талаар нэмэлт мэдээлэлгүй бол гэртээ байх нь дээр гэж үзэж байна.
Зохион байгуулагч GSMA "Үзэсгэлэнд оролцогчид, зочид, ажилтнуудын эрүүл мэнд, аюулгүй байдал нэн чухал тул MWC Barcelona 2020-д коронавирусын болзошгүй нөлөөллийг хянаж, үнэлсээр байна" гэж мэдэгдэв.
Эх сурвалж: 3dnews.ru