«Laboratori i Kaspersky» zbuloi një kampanjë të re spiunazhi kibernetik, viktimat e së cilës janë përdorues dhe organizata nga pothuajse dyzet vende në të gjithë botën.
Sulmi mori emrin SneakyPastes. Analiza tregon se organizata e tij është grupi kibernetik Gaza, i cili përfshin gjithashtu tri ekipe tjetër keqbërësish — Operation Parliament (e njohur që nga viti 2018), Desert Falcons (e njohur që nga viti 2015) dhe MoleRats (vepron të paktën që nga viti 2012).
Gjatë realizimit të kampanjës së spiunazhit kibernetik, keqbërësit përdorën intensivisht metoda phishing. Kriminelët përdorën faqe që lejojnë shpërndarjen e shpejtë të skedarëve tekstual, siç janë shërbimet në internet Pastebin dhe GitHub, për të futur fshehurazi në sistemin e viktimës një Trojan për qasje të largët.
Me anë të programeve të dëmshme, organizatorët e sulmit vodhën informacione të ndryshme konfidenciale. Saktësisht, Trojani bashkonte, kompresonte, enkriptonte dhe dërgonte për keqbërësit një gamë të gjerë dokumentesh.
«Viktimat e kampanjës ishin rreth 240 individë dhe organizata në 39 vende, të cilat kanë interesa politike në Lindjen e Mesme, përfshirë institucione qeveritare, parti politike, ambasada, përfaqësi diplomatike, agjenci informacioni, institucione arsimore dhe mjekësore, banka, kontraktorë, aktivistë civilë dhe gazetarë», thekson «Laboratori i Kaspersky».
Aktualisht, një pjesë e madhe e infrastrukturës që keqbërësit përdorën për të realizuar sulmet është eliminuar.
Burimi: 3dnews.ru
