Qendra Evropiane e Kërkimeve Nënatomike planifikon të heqë dorë nga të gjitha produktet pronarë në punën e saj, e para e të cilave janë produktet e kompanisë Microsoft.
Gjatë viteve të mëparshme, CERN ka përdorur aktivisht produkte të ndryshme tregtare me kod të mbyllur, sepse kjo i lejonte të gjente lehtësisht Specialistë nga industria. CERN bashkëpunon me një numër të madh kompanish dhe institucioneve, dhe për të ishte e rëndësishme të lehtësonte punën e njerëzve nga fusha të ndryshme. Statusi i organizatës akademike jofitimprurëse lejonte që të merrte produkte software me çmime të favorshme, dhe përdorimi i tyre ishte i justifikuar.
Por në mars 2019, Microsoft vendosi t'i heqë CERN-it statusin e "organizatë akademike" dhe ofroi të jepte produktet e tij në një bazë komerciale standarde, që rritej kostoja e përgjithshme e licencave më shumë se 10 herë.
CERN ishte i gatshëm për një zhvillim të tillë të ngjarjeve, dhe brenda një viti zhvilloi projektin "MAlt": "Projekti Alternativave të Microsoft-it". Përkundër emrit, Microsoft nuk është kompania e vetme nga produktet e së cilës planifikohet të hiqet dorë. Por detyra kryesore është heqja dorë nga shërbimi i postës elektronike dhe Skype. Departamentet e IT-së dhe disa vullnetarë do të kalojnë të parët në projektet e reja pilot. Parashikohet që kalimi i plotë në software të lirë të kërkojë disa vjet.
Burimi: linux.org.ru
