Holdingu «Roselektronika», që bën pjesë në korporatën shtetërore Rostek, prezantoi një aparat të avancuar fluturues pa pilot të quajtur «Corsar».
Droni është i destinuar për survejimin ajror në çdo mot, kryerjen e fluturimeve patrulluese dhe vëzhguese, si dhe për realizimin e fotografive ajrore.
Në konstruksionin e dronit janë përdorur zgjidhje inxhinierike inovative, të cilat i ofrojnë atij përparësi në termat e manovrueshmërisë, lartësisë dhe distancës së fluturimit.
Në veçanti, «Corsar» mund të fluturojë në një lartësi prej më shumë se 5000 metrash. Kjo e bën atë të paqartë për armët e zjarrit dhe shumë lloje të sistemeve të raketave anti-ajrore portable.
Një tjetër avantazh i dronit është koha e madhe e funksionimit autonom. «Corsar» është në gjendje të qëndrojë në ajër deri në tetë orë.
Hapësira e krahëve të dronit është 6,5 metra, gjatësia e trupit është 4,2 metra. Droni peshon përafërsisht 200 kilogramë.
«Korçari» mund të përdoret si për qëllime ushtarake ashtu edhe për ato civile. Në veçanti, aparati mund të realizojë monitorimin e mjedisit, të kontrollojë situatën në rrugët automobilistike, të vëzhgojë objektet e infrastrukturës, të kryejë kërkimin e njerëzve gjatë ngjarjeve emergjente dhe më tepër.
Burimi: 3dnews.ru
