Korporata Microsoft synon të tregojë se sistemi i saj i sigurisë së zgjedhjeve nuk është thjesht një teori. Zhvilluesit paraqitën sistemin e parë të votimit, i cili përdor teknologjinë ElectionGuard, e cila duhet të sigurojë një votim më të lehtë dhe më të sigurt.
Anët harduerike të sistemit përfshijnë një tablet Surface, një printer dhe një controller adaptiv Xbox, duke e bërë votimin më të aksesueshëm për të gjithë. Ky sistem është unik sepse provon se për zhvillimin e votimit mund të përdoren komponente të zakonshme harduerike, të lidhura përmes softuerit.
Pas pas votuesi e ka votuar përmes tabletit ose kontrollorit, sistemi ElectionGuard numëron votat duke përdorur enkriptimin homomorf, duke ruajtur gjithashtu të dhënat në format të koduar. Për më tepër, sistemi i jep çdo votuesi një kod unik që lejon verifikimin nëpërmjet internetit, nëse vota është numëruar siç duhet. Një nivel shtesë verifikimi është fleta e votimit, e cila printohet në një printer. Votuesi mund të bëjë shenjën përkatëse në të dhe ta vendosë atë në një kuti speciale.
Në Microsoft thonë se versioni "pilot" i sistemit të sigurt për votim do të përdoret në zgjedhjet në Shtetet e Bashkuara vitin e ardhshëm. Zhvilluesit besojnë se sistemi ElectionGuard duhet të fillojë të përdoret sa më shpejt të jetë e mundur. Kompania kujtoi se që nga shfaqja e sistemit AccountGuard në vitin 2018, rreth 10,000 klientë janë njoftuar se janë viktima të thyerjeve të llogarive. Në një deklaratë thuhet se vendet e tjera po përpiqen të ndërhyjnë në proceset zgjedhore të SHBA-së duke përdorur sulme kibernetike, prandaj makinat e vulnerabël për votim mund të bëhen pre e lehtë për hakerat.
Burimi: 3dnews.ru
